សៅ សីហា

ការវិលត្រឡប់ របស់អាចារ្យធំ

និយាយពីកុនខ្មែរ — Wed, 16 Nov 2011 22:11:11 +0000

អីយ៉ា!!! ខកខានប្រើយូរដូចជាមិនសូវទំលាប់សោះតែម្ដង។ បែកគ្នាយូរ អ្នកទាំងអស់គ្នាសុខសប្បាយជាទេ?

យេ!!! អាចារ្យធំមិននៅ ដូចជាគ្មានអ្នកណាមកលេងសោះតែម្ដងហើយ? តែមកម្ដងនេះតែទៅណាហើយ ចឹងសូមអ្នកទាំងអស់គ្នាឧស្សាហ៍ចូលសួរផង ហ្នឹងបានចែកអន្សម ឬនំទៅផ្ញើកូនបានខ្លះ។

អាចារ្យធំ

ហេតុអីបានជាអ្នកខ្លះគិតថាអានិកជន ពិតជាអាចជាអ្នកដែលមានលុយច្រើនហើយ??

និយាយពីកុនខ្មែរ — Tue, 29 Sep 2009 04:45:45 +0000

កាលពីព្រឹកម៉ិញអាចារ្យធំបានស្ដាប់ព័ណ៌មាន ថាមាននារីម្នាក់លេបថ្នាំសម្លាប់ខ្លួន ដោយសារប្ដីជាអានិកជនបានផ្ញើរលុយមកឲ្យចាយតិចពេក។ មុនពេលដែលស្ត្រីនោះលេបថ្នាំ គាត់បានខលទៅស្វាមីគាត់ដែលជាអានិកជនក្រៅប្រទេស ហើយតាមសម្ដីព័ណ៌មានថាស្វាមីគាត់បានប្រាប់ថា កុំចំនាយលុយច្រើនពេកព្រោះគាត់នៅខាងណោះរកមិនសូវបានទេ។ គាត់តែបានលើពាក្យនេះហើយស្វាមីគាត់បានផ្ញើរលុយ្តឹមតែមួយរយដុល្លាទៀត គាត់បានសម្រេចចិត្តលេបថ្នាំសម្លាប់ខ្លួន។ តែត្រូវបានក្រុមគ្រូពេទ្យជួយទាន់ពេលវេលា។ តែចំនែកម្ដាយគាត់មិនបានមកមើលទេ នេះប្រហែលជាមានបញ្ហានឹងគ្នា។

ម្នាក់ស្រីនោះគាត់ប្រហែលជាស្មានថា អ្នកអានិកជនហ្នឹងពិតជាមានប្រាក់ច្រើហើយមើលទៅ ដូចនេះមុននឹងពិចារណាថានិងរស់នៅជាមួយគ្នាពិតមែនត្រូវតែ ស៊ើបសិនថាគាត់ពិតជាអាចជួយឧបត្ថម្ភបាន។

ជាប់រវល់ការងារតិច នឹងរៀនសូត្រតិច

និយាយពីកុនខ្មែរ — Wed, 23 Sep 2009 04:45:15 +0000

ពេលនេះអាចារ្យធំ បានចូលកងវិញហើយដូចនេះមានការរវល់តិចទាំងការងារ នឹងការរៀនដូចនេះមិនសូវមានពេលមកដាក់អត្ថបទទេដូចនេះក៏មិនសូវមានមិត្តភ័ក្រ្តច្រើនមកលេងដែរ។ ដូចនេះមិនសូវបានចូលមកបោសសម្អាតផ្ទះផងដែរ។ តែបើមានអ្នកណាចង់មកលេងបាន ផ្ទះអាចារ្យធំស្វាគមន៍ជានិច្ច។

ការធ្លាក់ចុះនៃវិស័យសិល្បៈភាពយន្ត

និយាយពីកុនខ្មែរ — Fri, 14 Aug 2009 03:34:18 +0000

កាលពីទសវត្ស៦០វិស្ស័យសិល្បៈភាពយន្ដមានការរីកចម្រើនជាខ្លាំង តែចាប់តាំងពីប្រទេសជាតិធ្លាក់ចូលក្នុងសង្គ្រាមមកទើបធ្វើឲ្យអ្វីៗទាំងអស់មានការបាត់បង់ ហេតុដូចនេះហើយបានជាសិល្បៈភាពយន្ដបច្ចុប្បន្ន ពុំសូវមានភាពរីកចម្រើន។
បច្ចុប្បន្ននេះការផលិតខ្សែភាពយន្ដ គឺពុំសូវមានភាពទូលាយប៉ុន្មានទេ ដោយហេតុថាការចំណាយដើមទុន ច្រើនឯចំណូលបានបកវិញមិនគ្រប់និងតំលៃនៃការ ផលិតនីមួយៗ។ ដោយហេតុថាការដាក់បញ្ជាំងក្នុងរោងភាពយន្ដ ពុំសូវមានអ្នកចូលមើល ហើយណាមួយសំបុត្រចូលមើលក៏មាន តំលៃថ្លៃបើធៀបនិងចំណូលដែលពួកគេរកបាន។ យ៉ាងណាម៉ិញអ្នកដែលអាចជុលទស្សនាបាន គឺភាគច្រើនជាយុវវ័យ ដែលមានអាយុចាប់ពី១៨ឆ្នាំឡើងទៅ។ ម្យ៉ាងវិញទៀតមានទស្សនខ្លះបាននិយាយថាការ ចូលមើលក្នុងរោងកុនគឺ ពុំសូវមានសុវត្តិភាព។ ហេតុដូចនេះតំលៃនៃការជួលរោងកុននីមួយៗមានតំលៃថ្លៃ ឯចំណូលដែលបានត្រលប់មកវិញគឺសឹងតែ ឲ្យថ្លៃរោងមិនគ្រប់។ ដូចនេះហើយបានជាផលិតកម្មនីមួយៗ មិនអាចទប់ទល់និងការចំណាយ របស់ខ្លួនបាន។ ការផលិតនីមួយៗចេះតែខាតបន្តិចម្ដងៗ យូរៗទៅរលំដោយឯកឯង។
កត្តាមួយទៀតដែលពុំសូវមានអ្នកដែលចូលចិត្តមើលនោះ ពីព្រោះថាការសម្ដៃងរបស់តួអង្គនីមួយៗ មានភាពស្ទក់និងស្ពឹកស្រពន់ ម្ញែកឥតកាលៈទេសៈ។ ឯការបញ្ចូលមនោសញ្ចេតនាទៀតសោត មិនសូវត្រូវតាមសាច់រឿងដែលខ្លួនកំពុងតែសម្ដែង ដូចនេះហើយនៅពេលដែលពួកគេសម្ដែងម្ដងៗ គឺមើលទៅមានភាពឆ្គងខ្លាំងណាស់។ មួយវិញទៀតភាគច្រើននៃតួអង្គទាំងអស់ពុំបានឆ្លងកាត់ការសិក្សា ក្នុងការសម្ដៃងភាពយន្ត ប៉ុន្តែទាំងអស់នេះតួសម្ដែងគួរគិតពិចារណាថាតើខ្លួនគួរធ្វើយា៉ងដូចម្ដេច ដើម្បីអភិវឌ្ឍន៍ខ្ួនឲ្យកាន់តែរើកចម្រើនថែមទៀត។ គួរពិចារណាថាការសម្ដែងដែលចាំតែគេប្រាប់ប៉ារូល នោះវាពិតជាងាយស្រួល ជាងការដែលយើង ទន្ទិញក៏ពិតមែនតែការដាក់មនោសញ្ចេតនាគឺមិនបានអស់ពីចិត្តនោះទេ ដោយហេតុថាអារម្មណ៍របស់យើងនៅតែចាំត្រងត្រាប់ស្ដាប់ នូវពាក្យដែលគេអានឲ្យស្ដាប់នោះ។ ដូចនេះការអានប៉ារូលឲ្យបានចាំស្ទាត់ដោយ ខ្លួនឯងពិតជាមានប្រយោជន៍ខ្លាំងណាស់សម្រាប់តួសម្ដែងនីមួយៗ។
ចំពោះអ្នកដឹកនាំក៏ដូចគ្នាដែរ ត្រូវឲ្យតួសម្ដែងមុននូវប៉ារូលដែលខ្លួនបាន រៀបរៀងរួចទុកជាស្រេច ដល់តួសម្ដែងដើម្បីងាយស្រួលក្នុងការដែលឲ្យ តួសម្ដេងដឹងបាននូវសាច់រឿងទាំងមូល ហើយម្យ៉ាងទៀតគ្រប់តួអង្គទាំងអស់អាចអានបានណៅពេលដែលពួកគេទំនេរ។ ចំពោះតួសម្ដែងណាដែលមិនបានអានប៉ារូលចាំស្ទាត់ទេត្រូវមាន ការណែរនាំឲ្រពួកគេអានវា ទុកជាមុនបើមិនដូច្នេះទេមិនអាចឲ្យតួសម្ដែងៗ បានទៀតទេឬអាចឈានទៅរកការលប់ ចោលកុងត្រាទាំងឡាយភ្លាម ធ្វើដូចនេះទើបអ្វីៗទាំងអស់មានភាពរលូន និងមានភាពងាយស្រួលទាំងសងខាង។ ហើយការថតទៀតសោត ត្រូវថត ឲ្យបានដិតដល់មិនមែនថតឲ្យតែបានៗ នោះទេគឺត្រូវប្រឹតព្រៀង។ ដូចនេះពេលដែលរឿងចេញជាលទ្ធផលមកនិងមានគេគាំទ្រច្រើន។
ហេតុដូចនេះទាំងតួសម្ដែង និងអ្នកដឹកនាំរឿងត្រូវគិត ឲ្យបានច្បាស់ថាគួយកេរ្ដឈ្មោះ ឬយកការរិះគន់ឌេលអាចស្អុយឈ្មោះអស់មួយជីវិត។

ការកើនឡើងនៃការអាន

និយាយពីកុនខ្មែរ — Fri, 14 Aug 2009 03:31:32 +0000

សព្វថ្ងៃតាមការសង្កេតនៅតាមកន្លែងមួយចំនួន ដូចជាតូបលក់ការសែត តាមសាលារៀន កន្លែងញ៉ាំអាហារមួយចំនួនមានអ្នកអានសៀវភៅ កាសែត ទស្សនាវត្ដី ប្រលោមលោក និងសៀវភៅមួយចំនួនទៀតជាច្រើន ដែលជាហេតុឲ្យយើងអាចកត់សម្គាល់បាន ថាការអាននាពេលបច្ចុប្បន្ននេះ មានការកើនឡើងជាងពេលមុន។
ម្យ៉ាងវិញទៀតដោយសារការអានមានការកើនឡើងនេះហើយ ដែលជាហេតុបណ្ដាលឲ្យវិស្ស័យបោះពុម្ភ ក៏មានការរើកចម្រើនផងដែរ។ ដូចនេះការកើនឡើននូវអ្វីមួយ ពិតជាអាចជម្រុញឲ្យវិស្ស័យមួយផ្សេងទៀតមានការរើកចម្រើនផងដែរ។
ក្រៅពីអ្វីដែលយើងអាចមើលឃើញតាមសម្បកខាងក្រៅ យើងពិតជាអាចសង្ខឹមថា នាពេលខាងមុខ នៅពេលដែលការអានមានការរើកចម្រើនជាងនេះទៀតនោះ អក្សរសាស្ត្រខ្មែរ ក៏និងមានការកែរប្រែនិងមានការរើកចម្រើនជាងពេលនេះ។ នៅពេលនោះប្រទេសកម្ពុជានិងមានការរើកចម្រើនដូចសម័យអង្គរជាមិនខាន។ ហើយពេលនោះផងដែរប្រទេសកម្ពុជានិងអាចមានឥទ្ធិពល ក្នុងឆាកអន្តរជាតិសារជាថ្មីម្ដងទៀត។

ភាពអស្ចារ្យនៃខ្មែរសម័យកាលបុរាណ

និយាយពីកុនខ្មែរ — Fri, 14 Aug 2009 03:29:39 +0000

ជាការពិតណាស់ដែល ខ្មែរសម័យកាលបុរាណ មានភាពល្បីល្បាញដោយសារមាន ការច្នៃប្រឌិតខ្ពស់របស់ពួកគេដែលជាហេតុធ្វើឲ្យមាន ការកោតសរសើរនិងកោតខ្លាចជាខ្លាំងពីសំណាក់ពួកបរទេស។ ដែលមានភស្ដុតាងស្រាប់ដូចជាការសាងសង់ប្រាសាទ អង្គរវត្ត ប្រាសាទ បន្ទាយស្រី ប្រាសាទ បាយ័ន្ដ និងប្រាសាទ ព្រះវិហារជាដើម ដូចនេះហើយបានជាខ្មែរសម័យកាលនោះ មានភាពរីកចម្រើន និងមានឥទ្ធិពល នៅតំបន់អាស៊ីអាគ្នេយ៍។ ប៉ុន្តែបច្ចុប្បន្នប្រទេសកម្ពុជាពុំសូវមានការរីកចម្រើនដោសសារប្រទេសជាតិបានធ្លាក់ក្នុងសង្គ្រាមអស់រយៈពេលជាងពីរទសវត្ស។
ឥឡូវប្រទេសកម្ពុជាបានងើបមុខឡើងជាបណ្ដើរៗ ទាំងថ្នាក់ជាតិនិងថ្នាក់អន្តរជាតិ។ ប្រទេសខ្មែរជាប្រទេសមួយដែលមានវប្បធម៌និងអរិយធម៌ខ្ពស់ដូចនេះ ប្រវត្តិសាស្ដ្រមានច្រើនរាប់មិនអស់។
ថ្មីៗនេះអ្នកប្រវត្តិសាស្ដ្របានធ្វើការស្រាវជ្រាវ ពីគំនូរដែលមានឆ្លាក់នៅលើជញ្ជាំងប្រាសាទបានឲ្យដឹងថា កាលពីសម័យមុនគឺឆ្អឹង ដាយណូស៊ើ ធ្លាប់បានរកឃើញនៅក្នុងប្រទេសកម្ពុជា។ ហេតុដូចនេះប្រទេសកម្ពុជាជាប្រទេសមួយដែលអាចនិយាយបានថាជាប្រទេស វិទ្យាសាស្ដ្រ និងជាប្រទេសដែលមានវប្បធម៌ខ្ពស់។ ពីព្រោះថាចំលាក់ដាយណូស៊ើ ត្រូវបានគេឆ្លាក់នៅជាប់ជញ្ជាំងប្រសាទ អង្គរវត្ត ប្រាសាទ តាព្រហ្នជាដើម។ ទាំងអស់នេះជាភស្ដុតាងដែលអាចបង្ហាញបានដល់អ្នកស្រាវជ្រាវ។

អត្ថបទដកស្រង់ចេញពី ទស្សនាវត្ដី The Cambodian Scene

www.cambodianscene.com

(សូមអភ័យទោសដែលមិនបានដាក់រូបឲ្យមើល)

របៀបនៃការផលិតកុន ឬកុនឯកសារ

និយាយពីកុនខ្មែរ — Fri, 14 Aug 2009 03:25:23 +0000

ក្នុងការផលិតឲ្យចេញជាសាច់រឿងនីមួយៗមានការ លំបាកខ្លាំងណាស់ ដោយមានការបែងចែកចេញជារឿងផ្សេងៗ ពីគ្នាដែលរឿងទាំងអស់នោះត្រូវបានបែងចែកជាច្រើនដូចជា៖ ភាពយន្ដខ្នាតវែង ដែលគេតែងហៅថា (ដ្ត្រាម៉ា) ភាពយន្ដកំប្លែង ភាពយន្ដឯកសារជាដើម។ ហើយក្នុងនោះភាពយន្តខ្នាតវែង និងភាពយន្តឯកសារមានភាពខុសគ្នាដោយភាពយន្តខ្នាតវែង មានការជ្រើសរើសតួរួចជាស្រេច និងអ្វីទាំងអស់គឺសុទ្ធតែមានការរៀបចំទុកជាមុន ឯភាពយន្តឯកសារគឺថតអ្វីដែលជាលក្ខណៈពិតរបស់តួអង្គមួយ ឬកន្លែងណាមួយដោយគ្មានការរៀបចំឡើយ។ ប៉ុន្តែក្នុងការផលិតគឺមានលក្ខណៈដូចគ្នា ដោយមានការបែងចែកជាបីដំណាក់កាល៖
1.មុនពេលផលិត (Pre-Production)
ការងារដែលត្រូវធ្វើក្នុងពេលនេះមានដូចជា៖ ការស្រាវជ្រាវ ការសរសេរគ្រោងឆ្អឹងនៃរឿង ការរក ទីតាំងថតជាដើម។
2.ពេលផលិត (Production)
ក្នុងពេលនេះអ្វីៗ ដែលយើងបានរៀបចំទុកជាស្រេចនៅពេល ដែលយើងធ្វើនៅក្នុងដំណាក់កាលទីមួយនោះ និងត្រូវចាប់ផ្ដើមនៅពេលនេះហើយ។
3.ក្រោយពេលផលិត (Post-Production)
នេះជាពេលចុងក្រោយបង្អស់នៃការផលិតនីមួយៗ ហើយក្នុងពេលនេះអ្វីដែលយើងត្រូវធ្វើមានដូចជា ការកាត់ត ការបញ្ចូលសំឡេងជាដើម។
ដូចច្នេះនេះជាដំណាក់កាលដែលសំខាន់ក្នុងការផលិត ឲ្យចេញជាសាច់រឿងមួយ។ ហើយអ្វីដែលយើងបានអាននៅទីនេះមានការខុសគ្នានៅពេលដែលយើងបានអនុវត្តនៅនឹងកន្លែង។ ប៉ុន្តែអ្វីដែលបានបង្ហាញនៅទីនេះគឺមិនបានក្បោះក្បាយ ដូចយើងរៀននៅក្នុងសាលានោះទេ។ តែនេះជាដំណាក់កាលដំបូងដែលយើងអាចដឹងបានថា តេគេត្រូវធ្វើអីខ្លះនៅក្នុងការផលិតរឿងនីមួយៗ។

(នៅមានត)

ភាសាខ្មែរនៅក្នុង ម៉ាក

និយាយពីកុនខ្មែរ — Wed, 12 Aug 2009 04:53:43 +0000

ចាប់តាំងពីមានកម្មវិធីភាសាខ្មែរមក គឺអាចប្រើបានតែក្នុង ភីស៊ីតែប៉ុណ្ណោះ ហើយចំពោះអ្នកដែលប្រើម៉ាក គឺយ៉ាប់តែម្ដង គឺមានការអាប់ឌែតយឺតជាងគេតែរហូតហ្នឹង ដូចនេះពេលដែលឃើញគេប្រើ យូនីកូដ គីមើលទៅដូចជាឡូយដល់ហើយ គេអាចសរសេរភសាខ្មែរ នៅលើអីនធើណេតបាន ដូចនេះមានការអន់ចិត្តដែរ តែដល់ឥឡូវបានប្រើហ្នឹងគេដែរហើយ។ តាំងពីគេមានលក់មកដូចជាមានការងាយស្រួលជាង ក្នុងការដែលសរសេរជាភាសាខ្មែរ។

តើហេតុអ្វីខ្មែរនៅតែចង់ដោះស្រាយដោយសន្តិវិធី?

និយាយពីកុនខ្មែរ — Thu, 23 Jul 2009 04:31:54 +0000

ក្រោយពីថ្ងៃដែលប្រសាទព្រះវិហារបានដាក់ជាបេតិកភណ្ឌពិភពលោក មកប្រទេសថៃដូចជាគ្មានការអត់ធ្មត់ទេសម្រាប់ប្រទេសខ្មែរគឺពួកគេ តែងតែមានលេះដោះសារតែរហូតថាពួកគេធ្វើគឺជាការមួយដែលត្រឹមត្រូវសម្រាប់ ការពារសុវត្ថិភាពសម្រាប់ប្រទេសទាំងពីរដើម្បីកុំឲ្យមានជម្លោះ ព្រំដែនតែបើតាមការពិតគឺពួកគេមិនសុខចិត្តនូវការធ្វើរបស់កម្ពុជាដែលបានដាក់ ប្រាសាទព្រះវិហារចូលក្នុងអន្តរជាតិ។ បើគេយល់ព្រមតាមកិច្ចព្រមព្រៀងដែលអន្តរជាតិបានធ្វើនោះនិងធ្វើឲ្យប្រទេសជាតិរបស់ថៃនឹងមាន ការបាត់បង់នៅចំណូលដែលបានមកពីការចូលទស្សនារបស់ភ្ញៀវទេសចរណ៍ដែលកាលពីមុនគេអាចទាញយកបានប្រយោជន៍នេះ តែដោយសាររដ្ឋាភិបាលមានការឈ្លៀសវៃដូចនេះបានដាក់ប្រាសាទនេះចូលជាសម្បត្តិអន្តរជាតិ ដែលមានការគាំទ្រពីអន្តរជាតិដូចនេះទើបគេមានការមិនពេញចិត្តតែដូចជាមានចម្ងល់ជាច្រើនចំពោះការ នយោបាយរបស់រដ្ឋាភិបាលដែលចេះតែមានការអត់ធ្មត់ម្ដងហើយម្ដងទៀត ដែលធ្វើឲ្យខាងប្រទេសនេះមានការមើលងាយថាយើងពិតជាធ្វើអីគេមិនកើត។ជាការពិតណាស់ប្រទេសយើងពិតជាមានសន្តិភាព ជាតិយ៉ាងពិតប្រាកដដូចនេះការបញ្ជូនពលទាហានទៅព្រំដែនពិតមែនតែមិនខុសតែបើមានការផ្ទុះអាវុធ ពិតជាមានរបួសសម្រាប់ពលទាហានជាមិនខានដូចនេះបើតាមគំនិតខ្ញុំរដ្ឋាភិបាលមិនគួរអត់ទ្រាំទៀតទេគួរតែមានអន្តរាគមន៍ពីអន្តរជាតិ។ ជាការពិតណាស់ដែលយើងចង់ឲ្យមានការដោះស្រាយសម្រាប់ប្រទេសទាំងពីរដោយមិនចង់មានអ្នកក្រៅមកលូកដៃតែប្រទេសថៃមានចង់ដូចយើងដែរទេ? បើតាមមើលទៅពួកគេដូចជាធ្វើមិនដឹងចំពោះការធ្វើគ្រប់យ៉ាងរបស់ប្រទេសកម្ពុជា។ តើទង្វើទាំងអស់នេះពិតសមឲ្យប្រទេសយើងមានការអត់ធ្មត់សម្រាប់ប្រទេសគេដែរទេ? តើប្រទេសនេះពិតជាមានតម្លៃឲ្យប្រទេសយើងមានការអត់ធ្មត់ទេ? បើតាមការគិតឲ្យម៉ត់ចត់ទៅដូចជាគ្មានទេសម្រាប់ការធ្វើបែបនេះ។

ប្រទេសនេះជាប្រទេសចោរចាប់តាំងពីការកកើតមកដូចនេះសារជាតិនៅតែដូចដើមគ្មានការផ្លាស់ប្ដូរបន្តិចណាសោះ។ ដូចនេះយើងជាកូនខ្មែរគួរតែអត់អោនឲ្យទេចំពោះប្រទេសនេះ?ពិតមែនយើងជាប្រទេសមួយដែលមិនចេះកេងយកទឹកដីរបស់អ្នកណាដូចនេះ ហើយបានជាពួកយើងមិនដែលចេះចង់បានឬឈ្លានពានអ្នកណា ដើម្បីកេងយកប្រយោជន៍ពីអ្នកណាមួយមានតែការចងមិត្តដើម្បីងាយស្រួលក្នុងការអភិវឌ្ឍន៍ប្រទេសជាតិដូចនេះ ហើយបានជាប្រទេសនេះចេះតែចង់បានតាំងពីដើមរហូតដល់ចប់។

ដូចនេះក្នុងនាមជាកូនខ្មែរដែលជាពូជអ្នកជាត្រូវតែមានការតស៊ូដើម្បីប្រទេសជាតិ ត្រូវតែរួមគ្នាដើម្បីបញ្ឈប់ការគិតអាក្រក់របស់ប្រទេសនេះដែលចេះតែមានមហិច្ឆតាមកលើប្រទេសយើង។

ស្ដេចជ្ក្រែករាជ?

និយាយពីកុនខ្មែរ — Thu, 23 Jul 2009 03:43:23 +0000

មានឯកសារមួយចំនួនបាននិយាយថាស្ដេចកនជាស្ដេចដែលជ្រែករាជតែបើតាម ទស្សនរបស់ខ្ញុំដែលធ្លាប់បានរៀនពីមុនៗមកខ្ញុំគិតថា ព្រះស្ដេចកនជាស្ដេចមួយព្រះអង្គ

ដែលមានទសពិធរាជធម៌ដែលចេះជួយនិងយល់ទុក្ខធុរៈប្រជាពលរដ្ឋ។

នៅពេលដែលព្រះអង្គកាន់អំណាចព្រះអង្គបានសម្រួលការងាយស្រួល ដល់ប្រជាពលរដ្ឋដោយបើកឲ្យមានការរកស៊ីជួញដូរជាមួយឈ្មួញក្រៅប្រទេសទៀតផង។

ព្រះអង្គខិតខំទំនាក់ទំនងការទូតជាមួយ ប្រទេសជាច្រើនជាពិសេសប្រទេសចិន។ កាលដែលព្រះអង្គមានបំណងដណ្ដើមរាជគឺដោយសារតែព្រះមហាក្សត្រកាលណោះ

គ្មានការគិតពិចារណាឲ្យបានដិតដល់ថា មួយណាត្រូវឬខុសហេតុដូចនេះ ហើយទើបកើតមានរឿងទៅជាយ៉ាងនេះ។

តែដោយសារការធ្វើបែបនេះគឺពិតជាត្រឹមត្រូវពីព្រោះបើនៅតែមានក្សត្រដែលមាន ព្រះទ័យសង្ស័យច្រើនដូចនេះនិងធ្វើឲ្យមានចលាចលពេញព្រះរាជវាំងមិនខានដូចនេះ

ការដណ្ដើមរាជរបស់ព្រះស្ដេចកនពិតជាមិនធ្វើឲ្យប្រជារាស្ត្រមានសេចក្ដីសុខ។ តែមានអ្នកខ្លះដែលមិនសូវយល់ដូចនេះហើយបានជានិយាយថា

ព្រះស្ដេចកនជាព្រះមហាក្សត្រដែលជ្រែករាជ។

សៅ សីហា

ការ​វិល​ត្រឡប់ របស់​អាចារ្យ​ធំ

ហេតុ​អី​បាន​ជា​អ្នក​ខ្លះ​គិត​ថា​អានិកជន ពិត​ជា​អាច​ជា​អ្នក​ដែល​មាន​លុយ​ច្រើន​ហើយ??

ជាប់​រវល់ការងារ​តិច នឹង​រៀន​សូត្រតិច

ការ​ធ្លាក់​ចុះ​នៃ​វិស័យ​សិល្បៈ​ភាពយន្ត

ការ​កើន​ឡើង​នៃ​ការ​អាន

ភាព​អស្ចារ្យនៃ​ខ្មែរ​សម័យ​កាល​បុរាណ

របៀប​នៃ​ការ​ផលិត​កុន ឬ​កុន​ឯកសារ

ភាសាខ្មែរ​នៅ​ក្នុង​ ម៉ាក